OTW Timeline at Takdang Oras ng Pagiging Miyembro para sa Halalan 2021

Malugod na ipinahahayag ng OTW (Organisasyon para sa Ibahing Katha) Komite ng Halalan na nailathala na ang timeline para sa halalan 2021 para sa mga bagong miyembro ng Lupon ng Pangangasiwa!

Gaganapin ang halalan para sa taong ito mula ika-13 hanggang ika-16 ng Agosto. Nangangahulugan ito na sa ika-18 ng Hunyo ang huling araw para magpahayag ang mga kawani ng kanilang kandidatura.

Katulad ng dati, ika-30 ng Hunyo ang huling araw ng pagiging miyembro sa halalan. Kung interesado kang bumoto, mangyaring siguraduhin na aktibo ang pagka-miyembro mo hanggang sa petsang nabanggit. Mangyaring tandaan na nakatakda ang petsa ng resibo ng iyong donasyon sa US Eastern Time, kaya kung nailista ang iyong donasyon matapos ang alas 19:59 sa ika-30 ng Hunyo, 2021 sa resibo nito, hindi ka maaaring bumoto. Kung may alanganin ka kung nagawa ang iyong donasyon bago ang palugit, mangyaring makipag-ugnayan sa aming Komite ng Pagsulong at Kaaniban sa pamamagitan ng paggamit sa form ng pakikipag-ugnayan na nasa aming website at sa pagpili sa “Kasalukuyan ba ang aking pagiging miyembro/Maaari ba akong bumoto?”. Read More

2017 Kronolohiya ng Halalan ng OTW at Takdang Oras ng Pagkamiyembro

Malugod na ibinabalita ng komite ng Halalan ng OTW (Organisasyon para sa Ibahing Katha) na nakapaksil na ang kronolohiya para sa halalan ng 2017!

Mayroong mga pagbabago sa kronolohiya ngayong taon. Upang maiwasang magkasabay ito sa ibang mga pangyayari sa OTW, mas maagang itinakda sa taon ang halalan. Sinimulan ang pagbabagong ito noong nakaraang taon, kung kailan ginanap ang halalan sa huling bahagi ng Septiyembre. Ngayong taon ito ay ililipat sa Agosto, kung saan inaasahan itong manatili sa nalalapit na hinaharap.

Gaganapin ang halalan ngayong taon mula ika-11 hanggang ika-14 ng Agosto.

Dahil dito, malilipat din ang takdang oras ng rehistrasyon upang maging miyembro. Tulad ng petsa ng halalan, hindi magbabago ang petsang ito kada taon. Ngayon, ang tinakdang oras upang maging miyembro ay sa o bago mag ika-30 ng Hunyo. Kung ikaw ay interesadong bumoto, pinakikiusapan naming tiyakin ninyo na aktibo ang inyong pagkakaanib pagdating ng petsang iyon.

Maari mong malaman kung paano maging miyembro sa website ng komite ng Halalan, o kung pamilyar ka na sa proseso, maari kang magbigay ng donasyon dito!

Para sa karagdagang impormasyon ukol sa proseso ng halalan, maaring tingnan ang pahina ng mga Patakaran Ukol sa Halalan.

Maligaya naming inaabangan ang isang masiglang panahon ng halalan na mayroong sapat na pagpapanayam sa pagitan ng mga kandidato at ng mga botante, at umaasa kaming ikaw ay maging bahagi nito. Huwag kalimutang subaybayan ang komite ng Halalan sa Twitter at Tumblr upang maging batid sa mga pinakabagong balita!

Kung mayroon kang kahit anong katanungan o komentaryo, huwag mag-atubiling makipag-ugnayan sa komite ng Halalan.

Ang balitang ito ay isinalin ng mga boluntaryong tagasalin ng OTW. Para sa karagdagang impormasyon ukol sa aming gawain, maanong tumungo sa pahina para sa Pagsasalin sa transformativeworks.org.

Pahayag ukol sa mga Kandidato para sa Halalan ng OTW 2016

Paghahayag ng mga Kandidato

Ang OTW (Pagsasaling-wika) ay nagagalak na ipahayag ang mga sumusunod na kandidato para sa Halalan ng 2016 (naka-alpabetong pagkakaayos ng ibinigay na pangalan):

  • James Beal
  • Kristina Busse
  • Priscilla Del Cima

Dahil mayroon tayong dalawang posisyon na kailangang punuan at 3 kandidato, ang halalan ng 2016 ay pagtutunggalian—iyon ay, pagbobotohan ng mga miyembro ng OTW kung sino sa mga kandidato ang magpupuno ng mga posisyon. Read More